TSM

ថ្ងៃសុក្រ ទី១៩ ខែមេសា ឆ្នាំ២០៥០

គេហទំព័រ ទស្សនៈមហាជន

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត

ព័ត៌មានថ្មីបំផុត

កាសុីណូកង្កប់ល្បែងសុីសងជល់មាន់និងឲ្យខ្មែរនិងជនបរទេសចូលមកអត់មានលិខិត្តឆ្លងដែន **|**

កាសុីណូកង្កប់ល្បែងសុីសងជល់មាន់និងឲ្យខ្មែរនិងជនបរទេសចូលមកអត់មានលិខិត្តឆ្លងដែន

សង្វៀនបញ្ជាល់មាន់ដុះស្លែ បង្កប់នៅក្នុងកាសុណូញូវេីល បេីកឲ្យពលរដ្ឋខ្មែរ និងជនអន្តោប្រវេសន៍ ចូលមកលេងយ៉ាងពេញបន្ទុក ខ្លះអត់ប៉ាស់ព័រ ខ្លះមានប៉ាស់ព័រ រំហូរតាមច្រកទ្វារព្រំដែនអន្តរជាតិបាវិត ហ៊ានប្រឆាំងបទបញ្ជាថ្នាក់ដឹកនាំ?
03/10/2022
ស្វាយរៀង ÷ សេចក្តីរាយការណ៍ពី ប្រជាពលរដ្ឋ រស់នៅក្នុងភូមិបាវិតកណ្តាល សង្កាត់បាវិត ក្រុងបាវិត បានឲ្យដឹងថាបុគ្គលដែលហ៊ានបើកល្បែងបញ្ជាល់មាន់ អាប៉ោង ហ្គេមអនឡាញ យ៉ាងពេញទំហឹងប្រហែលជាមានខ្នងបង្អែករឹងមាំ នៅពីក្រោយនិងមានឥទ្ធិពលទៀតផង ទើបអាចធ្វើអ្វីៗបានតាមអំពើចិត្ត។
ទោះបីសម្តេចតេជោ ហ៊ុន សែន បានប្រកាសនៅពេលថ្មីៗ ឲ្យបិទល្បែងអនឡាញគ្រប់ប្រភេទ ទូទាំងប្រទេស បែរជាម្ចាស់ កាស៊ីណូ ញូវេីល ថ្លេីមធំ ហ៊ានបេីកឲ្យពលរដ្ឋខ្មែរនិងជនអន្តោប្រវេសន៍ ចូលលេងភ្នាល់ដាក់លុយរាប់លាន រាប់ពាន់ដុល្លារ សុីសងខុសច្បាប់ ដោយសេរី ដោយឡែកសមត្ថកិច្ចពាក់ព័ន្ធក្នុងខេត្តស្វាយរៀង ធ្វើមិនដឹងមិនឬអ្វីទាំងអស់។

ហេតុនេះ លោកនេត សាវឿន អគ្គស្នងការដ្ឋាននគរបាលជាតិ មិនគួរមេីលរំលងភាពអសកម្ម របស់លោកពេជ្រ វីរៈស្នងការដ្ឋាននគរបាលខេត្តស្វាយរៀង ទេីបឡេីងកាន់តំណែងថ្មី បណ្តែតបណ្តោយឲ្យមានល្បែងបញ្ជាល់មាន់ខ្នាតធំ នៅក្នុងកណ្តាលក្រុងបាវិតនោះទេ ព្រោះវាអាចប៉ះពាល់ដល់សន្តិសុខសង្គម។

ប្រភពពីប្រជាពលរដ្ឋ រស់នៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បានឲ្យដឹងទៀតថា បុគ្គលម្នាក់នេះ ប្រហែលមានខ្នងបង្អែករឹងមាំនៅពីក្រោយ ទេីបហ៊ាន បេីកល្បែងបញ្ជាល់មាន់ បៀរ អាអាប៉ោង បង្កប់ក្នុងកាសុីណូ ញូវេីល លេងរាល់ថ្ងៃយ៉ាងពពាក់ពពូន ចំណែកលោក ឯម សុវណ្ណរិទ្ធិ អធិការដ្ឋាននគរបាលក្រុងបាវិត មិនចាត់វិធានការបង្រ្កាប សម្ងំទទួលផលប្រយោជន៍ ជាថ្នូរ ។

ចំណែកមន្ត្រីអាជ្ញាធរនិងសមត្ថកិច្ចពាក់ព័ន្ធនៅក្រុងបាវិត បានរក្សាភាពស្ងៀមស្ងាត់បណ្តោយឲ្យបុគ្គលម្នាក់នោះ ដែលជាហេតុធ្វើឲ្យប្ប្រជាពលរដ្ឋ នៅសង្កាត់បាវិត ក្រុងបាវិតខេត្តស្វាយរៀង មានការព្រួយបារម្ភយ៉ាងខ្លាំងចំពោះបញ្ហាអសអសន្តិសុខសង្គមក្នុងមូលដ្ឋាន និងអាចកើតគ្រឿងញៀនរីករាលដាលគូរឲ្យកត់សម្គាល់។

ប្រជាពលរដ្ឋ ក្នុងភូមិបាវិតកណ្ដាល សង្កាត់បាវិត ក្រុងបាវិត បានអំពាវនាវឲ្យថ្នាក់ដឹកនាំក្រសួងមហាផ្ទៃ និងលោក ម៉ែន វិបុល អភិបាលខេត្តស្វាយរៀង ចាត់មន្ត្រីក្រោមឱវាទ ចុះត្រួតពិនិត្យ ទប់ស្កាត់ទង្វើរមិនប្រក្រតី របស់បុគ្គលហ៊ានបើកល្បែងបញ្ជាល់មាន់ ចំកណ្តាលក្រុងបាវិត ភ្នាល់ដាក់លុយ លេងសុីសងខុសច្បាប់ជាបន្ទាន់ ។បឋម

ព័ត៌មានគួរចាប់អារម្មណ៍

សំណាងល្អអាជ្ញាធរ ខេត្តស្រះកែវ ជួយអន្តរាគមន៍ ពន្លត់ទាន់ បើពុំដូច្នោះទេបន្ទប់ជួល២០០បន្ទប់ ដែលអាជីវករខ្មែររស់នៅ នឹងប្រឈមការឆាបឆេះជាក់ជាមិនខាន (លោក ធីម ថា)