ប្រកាសព័ត៌មានរបស់សាលាខេត្តបន្ទាយមានជ័យ បង្ហាញភាពមិនប្រក្រតីច្រើន ដីលោកស្រី រឹទ្ធ សុគន្ធា មានបង្កាន់ដៃកាន់កាប់ស្របច្បាប់ ត្រូវមេឃុំ និង លោក អុំ រាត្រី ( កាលនៅជាអភិបាលស្រុក) បដិសេធចោល ហេីយអោយកសាងឯកសារថ្មី ដាក់ឈ្មោះ ប៊ុន ស៊ាម វិញ ចំណុចដែលបញ្ជាក់ថា លោកស្រី រឹទ្ធ សុគន្ធា មិនមានដី គឺជារឿងមិនពិត ព្រោះលោកស្រី មានបង្កាន់ដៃ និង ពាក្យស្នើសុំកាន់កាប់ដី ចុះថ្ងៃទី ១២ ខែ ឧសភា ឆ្នាំ ១៩៩៩ ទទួលស្គាល់ដោយអាជ្ញាធរឃុំត្រឹមត្រូវ ។ ចំណុចដែលបញ្ជាក់ថា ដីទំនាស់ជារបស់ឈ្មោះ ប៊ុន ស៊ាម គឺមិនមានឯកសារបញ្ជាក់ ហេីយឯកសារកាន់កាប់ដី ទេីបធ្វេីនៅឆ្នាំ ២០០៨ គឺ ក្រោយ ឯកសាររបស់ ប៊ុន លី និង រឹទ្ធ សុគន្ធា ចំនួន ៩ ឆ្នាំ និង ក្រោយលោក ប៊ុន លី ស្លាប់ ។ សួរថា តេី លោកយាយ ប៊ុន ស៊ាប កសាងឯកសារកាន់កាប់ដី រំលោភលេី ឯកសារដេីមរបស់ ប៊ុន លី និង រឹទ្ធ សុគន្ធា ដោយរបៀបណា បេីលោកប៊ុន លី និង រឹទ្ធ សុគន្ធា មិនបានផ្ដិតមេដៃផ្ទេរអោយផង ? ម្យ៉ាងទៀតដីកំពុងមានទំនាស់ដោះស្រាយមិនទាន់ចប់ផង ហេតុអ្វីអាជ្ញាធរ ហ៊ានចុះហត្ថលេខាអោយលក់ដូរ និង ផ្ទេរសិទ្ធិជាបន្តបន្ទាប់ ? ជាធម្មតាដីមានទំនាស់ អាជ្ញាធរមិនអាចចុះហត្ថលេខាផ្ទេរសិទ្ធិបានទេ ។ នេះជាចំណុចសង្ស័យ តេីមានអ្វីនៅពីក្រោយរឿងនេះ បានអាជ្ញាធរធ្វេី ឯកសារកាន់កាប់ដីអោយលោកយាយ ប៊ុន ស៊ាម និងអោយលក់ដូរឆាប់រហ័សបែបនេះ ? ការអះអាងរបស់ រឹទ្ធ សុគន្ធា ដែលថា មេឃុំ ឃុបឃិតគ្នាធ្វើឯកសារយកដីគាត់ ដូចជាសមហេតុសមផលជាងការបំភ្លឺរបស់ រដ្ឋបាលខេត្តបន្ទាយមានជ័យ ។ យកដីរបស់គាត់ហេីយអោយគាត់ទៅយកដីកន្លែងផ្សេងដែលមិនមែនជារបស់គាត់ គាត់ម៉េចទទួល ? ករណីនេះ គួរបង្កេីតក្រុមការងារថ្នាក់ជាតិ ចុះស្រាវជ្រាវស៊េីបអង្កេតឡេីងវិញទេីបរកយុត្តិធម៌ពិតប្រាកដឃេីញ ។ បេីរដ្ឋបាលខេត្តបន្ទាយមានជ័យចេះធ្វេីតែរបាយការណ៍ខុសពីការពិតបែបនេះ រាស្ត្រតូចតាចក្រីក្ររងទុក្ខស្លាប់ហេីយ ។នៅព្រឹកនេះខ្ញុំបានសំណូមពរអោយឈ្មោះ រឹទ្ធ សុគន្ធា នាំម្ដាយចាស់ជរាត្រលប់ទៅខេត្តបន្ទាយមានជ័យវិញដេីម្បីរង់ចាំដោះស្រាយតាមការអះអាងរបស់រដ្ឋបាលខេត្តបន្ទាយមានជ័យ តែគាត់ថា មិនហ៊ានទៅទេខ្លាចខេត្តចាប់ដាក់គុកទៀត ម្យ៉ាងទៀតគាត់អស់ជំនឿលេីលោក អុំ រាត្រី ហេីយព្រោះលោក អុំ រាត្រី កាលនៅជាអភិបាលស្រុកបានឃុបឃិតគ្នាជាមួយមេឃុំយកដីរបស់គាត់ ។ដកស្រង់PVN NeWS ទាំងស្រុង
ព័ត៌មានគួរចាប់អារម្មណ៍
សំណាងល្អអាជ្ញាធរ ខេត្តស្រះកែវ ជួយអន្តរាគមន៍ ពន្លត់ទាន់ បើពុំដូច្នោះទេបន្ទប់ជួល២០០បន្ទប់ ដែលអាជីវករខ្មែររស់នៅ នឹងប្រឈមការឆាបឆេះជាក់ជាមិនខាន (លោក ធីម ថា)
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ទស្សនៈមហាជន)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ទស្សនៈមហាជន)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ទស្សនៈមហាជន)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ទស្សនៈមហាជន)
វីដែអូ
ចំនួនអ្នកទស្សនា