ឈ្មួញឈើឈ្មោះ បញ្ញា ដឹកជញ្ជួនឈេីខុសច្បាប់ ចូលមកខេត្តកំពង់ធំ ទាំងយប់ទាំងថ្ងៃ រីឯមេរដ្ឋបាលព្រៃឈើខេត្តព្រះវិហារ និងប្រធានមន្ទីរកសិកម្មខេត្តព្រះវិហារ មិនចាត់វិធានការបង្រ្កាប សម្ងំទទួលលាភសក្ការៈ ជាថ្នូរ ?

ព្រះវិហារ មន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុងខេត្តព្រះវិហារ បានឲ្យដឹងថា ឈ្មួញឈើជើងខ្លាំងឈ្មោះ បញ្ញា ប្រើប្រាស់រថយន្តកែច្នៃ 2 ទៅ 3 គ្រឿងសម្រាប់ដឹកឈើចេញពីស្រុកជ័យសែន ឆ្ពោះមកកាន់ទឹកដីខេត្តកំពង់ធំ ឆ្លងកាត់មុខស្នាក់ការផ្នែករដ្ឋបាលព្រៃឈើរវៀង គ្រប់គ្រងដោយ លោក ស៊ុំ សុីវុត្ថា ជាអ្នកបេីកភ្លើងខៀវទេីបអ្វីៗរលូនទៅបាន។

ប្រភពសិទ្ធិនិងមេឈ្មួញចាស់វស្សា ឈ្មោះ បញ្ញា គូរកនកំពុងសម្រុកដឹកឈេីពុំដែលខាន១យប់ណាឡើយ ហើយក៏មិនដែលរំខានឮទៅដល់សមត្ថកិច្ចជំនាញពាក់ព័ន្ធនោះទេ។

មជ្ឈដ្ឋានខាងក្រៅ.! រិះគន់ចំៗទៅលេីមេឈ្មួញឈេីឈ្មោះ បញ្ញា ប្រតិបត្តិការបានក៏អាស្រ័យដោយសារតែមានលោក ស៊ុម សុីវុត្ថា ហៅតាវែនតា ប្រធានផ្នែករដ្ឋបាលព្រៃឈើរវៀងជាអ្នកអនុញ្ញាតនិងសម្របសម្រួល ទេីបមន្ត្រីជំនាញផ្នែករដ្ឋបាលព្រៃឈើប្រចាំនៅស្រុកជ័យសែននិងស្រុករវៀង មិនចាត់វិធានការបង្ក្រាប ឈ្មួញម្នាក់នេះបានម្ដងណាឡើយ ។

ប្រជាពលរដ្ឋក្នុងស្រុកជ័យសែន និងស្រុករវៀង សំណូមពរទៅដល់ លោកប្រាក់ សុវណ្ណ អភិបាលខេត្តព្រះវិហារ និង លោក កង សៅគុណ មេបញ្ជាការកងរាជអាវុធហត្ថខេត្តព្រមទាំងលោក នួន សុ ខុម នាយខណ្ឌរដ្ឋបាលព្រៃឈើខេត្ត មេតា្តចាត់មន្រ្តីក្រោមឱវាទចុះពិនិត្យព្រៃឈេី ដែលនៅសេសសល់បន្តិចបន្ទួច បេីមិនដូច្នោះត្រូវវិនាសហិនហោច ក្រោមស្នាដៃឈ្មួញ ឈ្មោះ បញ្ញា មិនខាន់ឡើយ៕