មេខ្លោងទាំង4នាកកៀងគរប្រជាពលរដ្ឋឲ្យធ្វើសកម្មភាពឈូសឆាយទន្ទ្រានកាន់កាប់ដីព្រៃរបស់រដ្ឋគឺមានឈ្មោះ សេន ស្លេស , ឈ្មោះ ង៉េត, ឈ្មោះ ឈុនសែ , ឈ្មោះ ធា មិនទាន់ឃើញមន្រ្តីជំនាញ និងមន្រ្តីអាជ្ញាធរចាត់វិធានការទប់ស្កាត់
23/06/2022
មន្រ្តីអង្គការក្រៅរដ្ឋាភិបាលក្នុងខេត្តស្ទឹងត្រែង បានលើកឡើងថាប្រសិនបើគ្មានការទប់ស្កាត់ឲ្យបានទាន់ពេលវេលាទេនោះគឺដីព្រៃតំបន់អភិរក្សជីវៈចម្រុះខាងក្រៅទំបន់វារីអគ្គិសនីសេសានក្រោម2 ឃុំភ្លុក ស្រុកសេសាន ត្រូវក្លាយជាកម្មសិទ្ធិឯកជនទាំងស្រុងជាមិនខាន។ ដោយហេតុថាមន្រ្តីជំនាញ និងមន្រ្តីអាជ្ញាធរថ្នាក់ឃុំ ថ្នាក់ស្រុក ព្រមទាំងសមត្ថកិច្ចពាក់ព័ន្ធគិតតែពីរឿងប្រមូលលុយ ដូចដែលមេខ្លោងទាំង4នាក់់នោះអួតអាងប្រាប់ប្រជាពលរដ្ឋ។ ដូច្នេះលោក ស្វាយ សំអ៊ាង អភិបាលខេត្តស្ទឹងត្រែង និងលោក​ សាយ សំអាល់ រដ្ឋមន្រ្តីក្រសួងបរិស្ថានមិនគួរមើលរំលងតទៅទៀតទេ ក្នុងខណៈដែលដីព្រៃរបស់រដ្ឋនៅឃុំភ្លុក ស្រុកសេសាន រងការទន្ទ្រានកាន់កាប់យ៉ាងរាលដាល ។
ប្រភពព័ត៌មានពីប្រជាពលរដ្ឋនៅឃុំភ្លុក ស្រុកសេសាន ខេត្តស្ទឹងត្រែង បានឲ្យដឹងថាបច្ចុប្បន្នមានបុគ្គល4នាក់កៀងគរប្រជាពលរដ្ឋពីចំណុចអូរសេវ អូរចំបក់ ឃុំភ្លុក ស្រុកសេសាន ឲ្យទៅកាប់ទន្ទ្រានដីព្រៃតំបន់អភិរក្សជីវៈចម្រុះខាងក្រៅទំនប់វារីអគ្គិសនីសេសាន ក្រោម2យ៉ាងរាលដាលតែម្ដង។ មេខ្លោងទាំង4នាក់ដែលកៀងគរប្រជាពលរដ្ឋឲ្យធ្វើសកម្មភាពឈូសឆាយទន្ទ្រានកាន់កាប់ដីព្រៃរបស់រដ្ឋយ៉ាងគឃ្លើននោះគឺមានឈ្មោះ សេន ស្លេស , ឈ្មោះ ង៉េត, ឈ្មោះ ឈុនសែ , ឈ្មោះ ធា ហើយមិនទាន់ឃើញមន្រ្តីជំនាញ និងមន្រ្តីអាជ្ញាធរចាត់វិធានការទប់ស្កាត់នៅឡើយ។ ប្រជាពលរដ្ឋបានអំពាវនាវឲ្យលោក ស្វាយ​ សំអ៊ាង អភិបាលខេត្តស្ទឹងត្រែង និងលោក សាយ សំអាល់ រដ្ឋមន្រ្តីក្រសួងបរិស្ថាន ចាត់វិធានការទប់ស្កាត់ករណីទន្រ្ទានកាន់កាប់ដីព្រៃរបស់រដ្ឋក្នុងឃុំភ្លុក ស្រុកសេសាន ជាបន្ទាន់។

សេចក្ដីរាយការណ៍ពីប្រជាពលរដ្ឋបានឲ្យដឹងទៀតថា បើគ្មានការឃុបឃិតពីមន្រ្តីជំនាញ និងមន្រ្តីអាជ្ញាធរថ្នាក់ឃុំ ថ្នាក់ស្រុកទេនោះគឺបុគ្គលទាំង4នាក់ មិនអាចកៀងគរប្រជាពលរដ្ឋឲ្យទន្រ្ទានកាន់កាប់ដីព្រៃតំបន់អភិរក្សជីវៈចម្រុះនៅខាងក្រៅទំនប់វារីអគ្គិសនីសេសាន ក្រោម2 តាមអំពើចិត្តបានឡើយ។ ជាក់ស្ដែងប្រធានមន្ទីរបរិស្ថានខេត្តស្ទឹងត្រែង ក៏ដូចជាមេឃុំភ្លុក និងអភិបាលស្រុកសេសាន បានរក្សាភាពស្ងៀមស្ងាត់ មិនហ៊ានប៉ះពាល់បុគ្គលទាំង4នាក់នេះទេ​ ហើយមិនខ្វល់ពីការរិះគន់អ្វីទាំងអស់។ ប្រការនេះហើយទើបបុគ្គលឈ្មោះ សេន ស្លេស, ឈ្មោះ ង៉េត, ឈ្មោះ ឈុន សែ និងឈ្មោះ ធា អួតអាងប្រាប់ប្រជាពលរដ្ឋថាពួកគេមិនខ្លាចសមត្ថកិច្ចធ្វើការបង្ក្រាបទេ ព្រោះពួកគេបង់លុយរួចហើយ។មានត