នគរបាលឃាត់ខ្លួនជនសង្ស័យប្រុស-ស្រី០៣នាក់ ពាក់ព័ន្ធករណីលក់និងសេពគ្រឿង នៅក្នុងក្រុងសេរីសោភ័ណ្ឌ!

ខេត្តបន្ទាយមានជ័យ៖ ជនសង្ស័យប្រុស-ស្រី៣នាក់ ពាក់ព័ន្ឋលក់និងជក់គ្រឿងញៀន ត្រូវបានកម្លាំងនគរបាលក្រុងសិរីសិភ័ណ្ឌសហការជាមួយកម្លាំងការិយាល័យគ្រឿងញៀននៃស្នងការដ្ឋានខេត្ត កាលពីថ្ងៃទី០៤ ខែវិច្ឆិកា ឆ្នាំ២០២២ នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។

លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា ដោយមានការណែនាំ និងបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ឲ្យពង្រឹងការយាមល្បាត និងការងារភូមិឃុំមានសុវត្ថិភាព កម្លាំងនគរបាលក្រុងបានចុះយាមល្បាត ស្រាវជ្រាវនិងបានឃាត់ខ្លួនជនសង្ស័យប្រុសស្រីបាន០៣នាក់ ប្រុស២នាក់ ស្រី១នាក់ ដែលជាមុខសញ្ញាលក់ និងជក់ថ្នាំញៀន។ ក្រៅពីនេះដកហូតបានវត្ថុតាងម្សៅសថ្លា០២កូនថង់ ទូរសព្ទ័១គ្រឿង និងឧបករណ៍កែច្នៃមួយចំនួន។

ក្រោយសួនាំ ជនសង្ស័យនិងវត្ថុតាងត្រូវបានបញ្ជូនទៅការិយាល័យជំនាញ ដើម្បីកសាងសំណុំរឿងចាត់ការបន្តតាមនីតិវិធី៕