រកឃើញហើយ អ្នកវា​យស​ម្លា​.​ប់​ឈ្លូស​១​ក្បាល់ នៅខេត្តកោះកុង! យុវជននោះ បានចូលសារភាពនៅប៉ូស្តិ៍ប៉ូលិស!

ខេត្តកោះកុង៖ អាជ្ញាធរសមត្ថកិច្ច ខេត្តកោះកុង នៅបង្ហាញមុខ​យុវជនម្នាក់ ជាអ្នកវាយសម្លា.ប់កូនឈ្លូស ហែលទឹកសមុទ្រ នៅឆ្នេរកោះស្តេច ខេត្តកោះកុង។ យុវជននោះ បានចូលសារភាព​ នៅក្រោយ​ពីមានអ្នកផ្តល់ព័ត៌មាន​ឱ្យអាជ្ញាធរសមត្ថកិច្ច ឈានទៅកំណត់អត្តសញ្ញាណរបស់ជនដៃដល់ នាថ្ងៃទី១ ខែវិច្ឆិកា ឆ្នាំ២០២៣​។

អភិបាលរងខេត្តកោះកុង ដែលបានដឹកនាំការស្រាវជ្រាវនេះ បានប្រាប់​ក្រុមអ្នកកាសែត នៅស្នងការដ្ឋាននគរបាលខេត្តកោះកុង នាល្ងាចថ្ងៃទី១ ខែវិច្ឆិកានេះថា ក្រោយពីលោកជំទាវ អភិបាលខេត្ត ប្រកាសផ្តល់រង្វាន់លើកទឹកចិត្ត ៤លានរៀល ដល់អ្នកដែលបានផ្តល់ដំណឹង ឈានទៅរកឃើញជន​ដៃដល់ ដែលវាយសម្លា.ប់កូនឈ្លូសរួចមក ក៏មានអ្នកឃើញ​ហេតុការណ៍នោះ បានផ្តល់ដំណឹងដល់សមត្ថកិច្ច និងបានទៅណែនាំឱ្យ​ជនដៃដល់ ចូលសារភាព​។ អ្នកវាយសម្លា.ប់សត្វឈ្លូសនោះ ក៏បានមកសារភាពនៅស្នងការដ្ឋាននគរបាលខេត្តកោះកុង នាល្ងាចថ្ងៃទី១ ខែវិច្ឆិកា ឆ្នាំ២០២៣​ នេះ។

លោកអភិបាលរង ខេត្តកោះកុង បន្ថែមថា ដោយមានការឯកភាពពីព្រះរាជអាជ្ញា អាជ្ញាធរសមត្ថកិច្ចបានសម្រេចឃាត់ខ្លួនជនសង្ស័យនេះ ជាបណ្តោះអាសន្ន នៅស្នងការដ្ឋាននគរបាលខេត្តកោះកុង ដើម្បីស្រាវជ្រាវ​រកអ្នកពាក់ព័ន្ធបន្ថែម​។ ចំពោះវិធានការបែបណាលើជននេះ គឺរង់ចាំមន្ត្រី​ជំនាញ ធ្វើការសិន​។

លោកអភិបាលរង ខេត្តកោះកុង បន្តថា ជនសង្ស័យនេះ មានឈ្មោះ តាន់ អ៊ូខុង ជាសន្តិសុខរបស់ក្រុមហ៊ុនមួយ នៅជិតកន្លែងកើតហេតុ និងជាអ្នកមកពីខេត្តក្រៅ​។