អ្នកចាញ់ចូលពេទ្យដេកផ្ទះ. អ្នកឈ្នះវាស់កម្ពស់ដេកគុក. ក្រុមអ្នកលេង ដាវ.កាំបិត ចំនួន៣ នាក់ ក្រោយដេញកាប់ភាគី ទំនាស់ឱ្យរបួសធ្ងន់។

(កណ្តាល)
ថ្ងៃព្រហស្បតិ៍ ១៣រោច ខែបុស្ស ឆ្នាំខាល ចត្វា​ស័ក ព.ស.២៥៦៦ ត្រូវនឹងថ្ងៃ ទី ១៩ ខែមករា ឆ្នាំ២០២៣នេះ

លោក អាត ចន្ទ័ដារ៉ា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកា ឃុំខ្លួន ក្រុមជនសង្ស័យ
ដែលយកកាំប៉ិត និងដាវដេញកាប់ក្រុមជនរងគ្រោះ ដាក់ពន្ធនាគារបណ្តោះអាសន្នពីបទ “ហិង្សាដោយចេតនាមានស្ថានទម្ងន់ទោស (ទៅវិញទៅមក)” និងធ្វើឲ្យខូចខាតដោយចេតនា មានស្ថានទម្ងន់ទោស” តាមមាត្រា២១៨ និងមាត្រា៤១១ នៃក្រមព្រហ្មទណ្ឌ ។
ដែលប្រព្រឹត្តនៅថ្ងៃទី១៦ ខែមករាឆ្នាំ ២០២៣ វេលាម៉ោង២៣ និង៣០នាទី​ នៅចំណុចភូមិតានូ ឃុំស្អាងភ្នំស្រុកស្អាង ខេត្តកណ្តាល។

ជនត្រូវចោទទាំង០៣នាក់ មានឈ្មោះ
១ /ឈ្មោះ ថា ផានិន ភេទប្រុសអាយុ១៧ឆ្នាំ ជនជាតិខ្មែរ មុខរបរមិនពិតប្រាកដ នៅភូមិព្រែកខ្មែរ ឃុំសា្អងភ្នំ ស្រុកស្អាង ខេត្តកណ្ដាល ។
២ /ឈ្មោះ ចំរេីន ដេវីត អាយុ១៧ឆ្នាំ ជនជាតិខ្មែរ មុខរបរសិស្ស ។
៣ /ឈ្មោះ លន ខេមរ៉ា ហៅង៉ាន់ភេទប្រុស អាយុ១៨ឆ្នាំ ជនជាតិខ្មែរ មុខរបរជាងភ្លេីង អ្នកទាំងពីរមានទីលំនៅភូមិតានូ ឃុំស្អាងភ្នំ ស្រុកស្អាងខេត្តកណ្ដាល។

រីឯជនរងគ្រោះ០៣នាក់
១ /ឈ្មោះ ខុម សុខមី ភេទប្រុសអាយុ៣០ឆ្នាំ ជនជាតិខ្មែរ មុខរបរនេសាទត្រី(របួសស្មាខាងឆ្វេង)។
២ /ឈ្មោះខុម សុខមុី ភេទប្រុស អាយុ២៤ឆ្នាំជនជាតិខ្មែរ មុខរបរនេសាទត្រី(របួសម្រាមដៃ) ។
៣ /ឈ្មោះ ពៅ សុខឡាយ ភេទប្រុស អាយុ២០ឆ្នាំជនជាតិខ្មែរ មុខរបរនេសាទត្រី អ្នកទាំងបីមានទីលំនៅភូមិសំរោង ឃុំក្រាំងយ៉ូវ ស្រុកស្អាង ខេត្តកណ្ដាល ។

លោកវរសេនីយ៍ លន ចន្ថារ អធិការរងទទួលផែនព្រហ្មទណ្ឌស្រុកស្អាងបានអោយដឹងថាៈ នៅថ្ងៃទី១៦ ខែមករា ឆ្នាំ២០២៣ វេលាម៉ោងវេលាម៉ោង២៣និង៣០នាទី។
ឈ្មោះខុម សុខមុី ឈ្មោះពៅសុខឡាយ ឈ្មោះខុម សុខមី បានជិៈម៉ូតូចេញពីមង្គលការបងប្អូននៅភូមិព្រែកខ្មែរឃុំស្អាងភ្នំ មកដល់ចំណុចភូមិតានូ ឃុំស្អាងភ្នំ ។

ស្រាប់តែឈ្មោះ ថា ផានិត ឈ្មោះ ចំរេីន ដេវីត និងឈ្មោះ លន ខេមរ៉ា
ជិៈម៉ូតូតាមពីក្រោយ បានធ្វើសកម្មភាពកាប់ទៅលើឈ្មោះ ខុម សុខមី បណ្ដាលឲ្យរបួសស្មាខាងឆ្វេង និងរបួសម្រាមដៃខាងឆ្វេង ថែមទាំងកាប់ម៉ូតូរបស់ឈ្មោះ ពៅសុខឡាយ បែកចង្កៀងខាងមុខនិងដាច់កន្ទុយម៉ូតូខាងក្រោយ។

ក្រោយទទួលបានព័ត៌មានខាងលើនេះ ភ្លាមកម្លាំងសមត្ថកិច្ច នគរបាលប៉ុស្តិស្អាងភ្នំ សហការជាមួយប្រជាការពារឃុំ បានចុះទៅដល់កន្លែងកើតហេតុ។

ដោយធ្វើការឃាត់ខ្លួនឈ្មោះ ថា ផានិន ឈ្មោះ លន ខេមរ៉ា និងឈ្មោះ ចំរេីន ដេវីត រួមទាំងវត្ថុតាង មកប៉ុស្តិ៍ដើម្បីធ្វើការសាកសួរតែម្ដងទៅ។