អ្នកភូមិបង្កោង បន្តរក្សាប្រពៃណីចាប់ត្រីរួមគ្នា សម្រាប់ធ្វើម្ហូបបុណ្យភូមិ បុណ្យឡើងមាឃ ឬឡើងអ្នកតា នៅក្នុងភូមិបង្កោង ឃុំអំពិល ស្រុកប្រាសាទបាគង!!!ខេត្តសៀមរាប៖នៅថ្ងៃពុធទី ០១ ខែកុម្ភៈ ឆ្នាំ២០២៣នេះមានពិធីចាប់ត្រីនេះ ត្រូវបានធ្វើឡើងរាល់ឆ្នាំ ទៅតាមទម្លាប់ ក្នុងបឹងបុរាណមួយ ស្ថិតក្នុងភូមិបង្កោង ឃុំអំពិល ស្រុកប្រាសាទបាគង ខេត្តសៀមរាប ដែលអ្នកភូមិអភិរក្សត្រីរួមគ្នាទុក មិនឱ្យមានការនេសាទផ្តេសផ្តាសនោះឡើយ គឺសម្រាប់តែរកត្រីរួមគ្នា ក្នុងឱកាសធ្វើពិធីបុណ្យឡើងមាឃ ឬឡើងអ្នកតា ។ឆ្នាំនេះត្រីក្នុងបឹងសម្បូរជាងឆ្នាំមុន២ ប៉ុន្ដែអ្នកភូមិពិបាកចាប់បន្តិច ដោយសារ ទឹកបឹងនៅជ្រៅ។ ត្រីនៅក្នុងបឹងនេះ ត្រូវបានអនុញ្ញាតឱ្យចាប់តែអ្នកភូមិបង្កោងតែប៉ុណ្ណោះ ប៉ុន្ដែក្រោយពីអ្នកភូមិនេះ បានធ្វើពិធីចាប់ត្រីរួមគ្នារួចហើយ ទើបអ្នកភូមិផ្សេង មានសិទ្ធិមករកត្រីនៅបឹងនេះ នៅថ្ងៃបន្ទាប់ទៀតបាន។ ការចាប់ត្រីនេះ ធ្វើឡើងជារៀងរាល់ឆ្នាំ បន្ទាប់ពីបញ្ចប់ការងារច្រូតកាត់ និងដាក់ស្រូវក្នុងជង្រុករួចរាល់។ ការចាប់ត្រីនេះ គណៈកម្មការ បានកំណត់ជាពីរផ្នែក មួយផ្នែក ប្រជាពលរដ្ឋទាំងអស់ អាចរកត្រីទុកសម្រាប់ខ្លួនឯងផ្ទាល់ និងមួយផ្នែក ទៀតនៃបឹង ដែលដាក់សម្រាស់ការពារមិនឱ្យចាប់ពីដំបូងនោះ ត្រូវចាប់ទុករួម សម្រាប់ធ្វើជាម្ហូបក្នុងពិធី បុណ្យ។ប្រពៃណីចាប់ត្រីរួមគ្នានេះ នឹងត្រូវរក្សាឱ្យបានគង់វង្ស ដើម្បីឱ្យ មនុស្សជំនាន់ក្រោយ បានស្គាល់ និងបានដឹងពីប្រពៃណីរបស់អ្នកភូមិយើង ៕
ព័ត៌មានគួរចាប់អារម្មណ៍
សំណាងល្អអាជ្ញាធរ ខេត្តស្រះកែវ ជួយអន្តរាគមន៍ ពន្លត់ទាន់ បើពុំដូច្នោះទេបន្ទប់ជួល២០០បន្ទប់ ដែលអាជីវករខ្មែររស់នៅ នឹងប្រឈមការឆាបឆេះជាក់ជាមិនខាន (លោក ធីម ថា)
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ទស្សនៈមហាជន)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ទស្សនៈមហាជន)
រដ្ឋបាលខេត្តស្ទឹងត្រែង បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត សម្រាប់អាណត្តិទី៣ ឆ្នាំ២០១៩ នៅក្នុងស្រុកសៀមប៉ាង (ទស្សនៈមហាជន)
ចាប់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ទស្សនៈមហាជន)
វីដែអូ
ចំនួនអ្នកទស្សនា