បន្ទាប់ពីបាត់ខ្លួនច្រើនថ្ងៃ កុមារីអាយុ១២ឆ្នាំម្នាក់ត្រូវបានរកឃើញសាកសពរលួយស្អុយ សង្ស័យករណីឃាតកម្ម
កណ្តាល៖ កុមារីអាយុ១២ឆ្នាំម្នាក់ បានបាត់ខ្លួនតាំងពីថ្ងៃទី១៤ ខែមករា ឆ្នាំ២០២៣ ត្រូវបានរកឃើញក្នុងស្ថានភាពរលួយខ្លាំង កាលពីវេលាម៉ោង ៦ល្ងាច នៅថ្ងៃទី៣ ខែកុម្ភៈ ឆ្នាំ២០២៣ នៅក្នុងចម្ការស្វាយមួយកន្លែងនៅក្នុងខេត្តកណ្តាល។
ក្នុងករណីនេះ សមត្ថកិច្ចជំនាញបានធ្វើកោសល្យវិច័យយល់ឃើញថា ជាករណីឃាតកម្ម។
ក្នុងករណីឃាតកម្មនេះ ក្រុមការងារចម្រុះ ALPHA23 នៃអង្គភាពការពារកុមារ (CPU) ត្រូវបានបង្កើតឡើង ដើម្បីធ្វើការស៊ើបអង្កេត។

អង្គភាពការពារកុមារ (CPU) សហការជាមួយ នាយកដ្ឋាននគរបាលបច្ចេកទេស និងវិទ្យាសាស្ត្រ នៃអគ្គស្នងការដ្ឋាននគរបាលជាតិ, ការិយាល័យនគរបាលបច្ចេកទេស និងវិទ្យាសាស្ត្រ នៃស្នងការដ្ឋាននគរបាលខេត្តកណ្តាល និងស្នងការដ្ឋាននគរបាលខេត្តកណ្តាល បានបង្កើតក្រុមការងារចម្រុះ ALPHA23 ដើម្បីធ្វើការស៊ើបអង្កេតទៅលើករណីឃាតកម្មនេះ និងវែករកមុខឃាតករយកមកផ្តន្ទាទោសតាមច្បាប់៕