ប្រហិតចម្រុះនិងសាច់មាន់ចុងស្លាបមាន់សាច់ជ្រូកចង្កាក់ជិត១តោនដែលឈ្មួញចូលពីប្រទេសថៃដែលគ្មានច្បាប់និងខូចគុណភាពនៅក្នុងស្រុកថ្មពួក!!!

បន្ទាយមានជ័យ៖ប្រហិតចម្រុះនិងសាច់មាន់ចុងស្លាបមាន់សាច់ជ្រូកចង្កាក់ជិត១តោនដែលឈ្មួញចូលពីប្រទេសថៃដែលគ្មានច្បាប់និងខូចគុណភាពដែលបង្ក្រាបកាលបីយប់ថ្ងៃទី១១ ខែមីនា ឆ្នាំ២០២៤ស្ថិតភូមិឯកភាព ឃុំគំរូ ស្រុកថ្មពួក ខេត្តបន្ទាយមានជ័យ។

លោកវរៈសេនីយ៍ទោ ម៉ី បូរ៉ាន់ នាយរងការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបន្ទាយមានជ័យបានប្រាប់ថា៖ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ហើយកម្លាំងនគរបាលប្រឆាំងបទល្មើសសេដ្ឋកិច្ចខេត្តបានចុះស្រាវជ្រាវនិងឃាត់រថយន្តចំនួន១គ្រឿងនិងអ្នកបើកបរហើយឆែកឆររកឃើញ ប្រហិតចម្រុះ និងសាច់មាន់ចុងស្លាបមាន់ សាច់ជ្រូកដតចង្កាក់សរុបទម្ងន់៧៨៣ក្រាម។

លោកវរៈសេនីយ៍ឯក រស់ អៀម នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបន្ទាយមានជ័យបានបញ្ជាក់ថា៖ក្រោយឃាត់រថយន្ត១គ្រឿងម៉ាក់កាំម៉ារីសេរីចាស់ដែលពាក់ផ្លាក់លេខក្រុងប៉ៃលិន2A.0213ដែលដឹកទំនិញគ្មានច្បាប់និងខូចគុណភាពដែលឈ្មួញលួចលាក់នាំចូលតាមច្រករបៀងខុសច្បាប់ត្រូវបាននាំយករថយន្តមកស្នងការដ្ឋាននគរបាលខេត្តបន្ទាយមានជ័យ ដើម្បីធ្វើការពិនិត្យមានទម្ងន់៧៨៣គីឡូក្រាមក្នុងនោះមាន១.ប្រហិតចម្រុះ(រុំថង់បិតស្គុត)ទម្ងន់៦២៦គីឡូក្រាម ២.សាច់មាន់និងចុងស្លាបមាន់ទម្ងន់១២៨គីឡូក្រាម ៣.សាច់ជ្រូកចង្កាក់ទម្ងន់២៩គីឡូក្រាម។

លោកឧត្តមសេនីយ៍ត្រី ចាប សុផារិទ្ធ ស្នងការរងទទួលផែនប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបន្ទាយមានជ័យបានបញ្ជាក់ថា៖ក្រោយកម្លាំងនគរបាលករិយាល័យប្រឆាំងបទល្មើសសេដ្ឋកិច្ចខេត្តបន្ទាយមានជ័យ ស្រាវជ្រាវឃាត់រថយន្ត១គ្រឿងនិងអ្នកបើកបរម្នាក់ឈ្មោះ ម៉ៅ ម៉េត ភេទប្រុសអាយុ៥៣ឆ្នាំក្រោយសាកសួរហើយត្រូវបានរៀបចំនីតិវិធីតាមច្បាប់ ហើយទំនិញគ្មានច្បាប់និងខូចគុណភាពទម្ងន់៧៨៣គីឡូក្រាមគ្រោងយកទៅដុតកំទិចចោល៕