មន្ត្រីពុករលួយ ទាំងពីររូបនេះ គឺជាមេរោគស្អុយ ក្នុងជួររាជរដ្ឋាភិបាលកម្ពុជា ថ្នាក់ដឹកនាំគួរតែកំចាត់ចោល

លោក នួន សុធា ប្រធានសុរិយោដីខេត្តតាកែវ រួមទាំងលោក លន់ ហួត ប្រធានការិយាល័យភូមិបាលស្រុកត្រាំកក់ គឺក្បាលម៉ាស៊ីនដឹកនាំមន្ត្រីក្រោមឱវាទចុះកសាងធ្វើប័ណ្ណដីខុសច្បាប់ (ប្លង់រឹង) រំលោភយកដីចំណីស្ទឹងស្លាគូ ឲ្យទៅបុគ្គលមានលុយចាយមិនអស់ នៅស្រុកត្រាំកក់ ខេត្តតាកែវ។

មន្ត្រីទាំងពីររូបនេះ គឺជាមេរោគ ដុសសាច់ស្អុយ នៅក្នុងជួររដ្ឋាភិបាល ដែលថ្នាក់ដឹកនាំតែងតែមើលរំលង!!
ប៉ុន្តែពេលនេះត្រូវបានបែកធ្លាយ អំពីទង្វើពុករលួយ ឃុបឃិតគ្នាជាប្រព័ន្ធ លួចធ្វើប្លង់ដីដែលជាដីសម្បត្តិសាធារណៈរបស់រដ្ឋ (ដីស្ទឹងស្លាគូ) ឲ្យទៅបុគ្គលមានលុយ សង់របងថ្មហ៊ុមព័ទ្ធយកជាកម្មសិទ្ធិផ្ទាល់ខ្លួន។

ប្រជាពលរដ្ឋជាច្រើនសូមអំពាវនាវដល់ប្រមុខរាជរដ្ឋាភិបាល សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សូមសម្តេចមេត្តាជួយកំចាត់មន្ត្រីពុករលួយទាំងពីរនាក់នេះរួមទាំងគូកនឲ្យបាត់ចេញពីក្របខ័ណ្ឌ ដើម្បីលុបបំបាត់អំពើពុករលួយក្នុងប្រទេសជាតិ។

ប្រជាពលរដ្ឋក៏សូមអំពាវនាវទៅកាន់ប្រធានអង្គភាពប្រឆាំងអំពើពុករលួយ ឯកឧត្តម ឱម យ៉ិនទៀង មេត្តាចាត់មន្ត្រីជំនាញចុះស្រាវជ្រាវស៊ើបអង្កេតលើករណីនេះផង៕